⚠ Opgepasst: Dës Aktivitéit ass just fir d’Wëllefcher déi de Sixer vun hirer Sixaine sinn. De Sixplo fir déi aner Wëllefcher geet den Dag drop un.

Léif Sixer,

Ech heesche Laurent Lupp an ech schaffe fir de Geheimdéngscht LIA vu Lëtzebuerg.
Mir hunn d’Invitatioun vun der Mafia opgefaangen a gesinn datt du op hirer Gäschtlëscht dropstees.

Mir si scho säit längerer Zäit der lëtzebuergescher Mafia op der Spuer, déi allerhand verbuede Geschäfter dréit. Elo ass endlech eis Chance komm, fir se all ze erwëschen.

Viru kuerzem hu mir hire Chef festgeholl a lo treffen sech déi véier mächtegst Familljen, fir säin Nofollger ze wielen.

Ech hunn héieren, datt Wëllefcher ëmmer hir Aen op hunn an hir Ouere spëtzen, dofir kënnt dir mir sécher hëllefen.

Kommt mat den 29. an 30. Abrëll op Dippech, wou mir eis onerkannt ënnert si mëschen. Esou kréie mir hir all geheim Pläng mat! Nëmme mat alle Wëllefcher vun der FNEL kënne mir se
ophalen! Ech hoffen, dir verrot mech net!

Bis geschwënn a lénks Patt,
Laurent Lupp

• Depart: 29.04.2023 um 13:00 beim Scoutshome
• Retour: 30.04.2023 um 16:00 beim Scoutshome
• Präis: 30€ ze iwwerweisen
• Aschreiwung: bis de 07.04.2023 per E-Mail un wellef@dachsen.lu an d’Souche um Rendez-vous ofginn
• Material:
  • Um Depart:
    • Uniform
    • Foulard
    • Biergschong
    • Klenge Rucksak mat
      • Bidon mat Waasser
      • 5 Saachen vum Wëllefchen
      • Täschemesser
      • Täscheluucht
      • Klenge Snack
  • Am grousse Rucksak:
    • Schlofsak
    • Carrymat
    • Kappkëssen
    • Wäschtrousse
    • Pyjama
    • Schlappen
    • Frësch Ënnerwäsch
    • Gamelle mat Besteck
    • Kichenduch
    • Verkleedung am Thema Mafia
    • Schmierekëscht / Lunchbox
      De Sonnden kréien d’Sixer e Picknick vun eis dofir vergiesst wannechgelift deen net matzebréngen!