Opgrond vun den héijen Temperaturen déi gemellt goufen, gesi mir et leider als noutwenneg eise Relax Dax ze annuléieren. Et wäerten och keng Versammlunge fir déi eenzel Branchë stattfannen.
Mir hoffen eise Relax Dax Ufank vum nächste Scoutsjoer nohuelen ze kënnen a wäerten do nach mat weider Informatiounen op Iech zoukommen.
Mir hoffen op Äert Versteesdemech a wënschen Iech ee schéine Weekend.
Mat beschte Scoutsgréiss,
d’Gruppencheffen
Léif Elteren a Frënn vun den Dachsen,
Dir sidd häerzlech op eist Joersofschlossfest agelueden! Kommt laanscht fir e gemittlechen Nomëtteg mat Gegrills, Gedrénks a Cocktails a fir ze gesinn, wat d’Kanner bei de Scouten alles maachen.
Et gëtt en entspaanten Dag mat flotten Challengen, wou Kanner géint Elteren a Frënn untriede kënnen. Spaass fir Grouss a Kleng ass garantéiert.
D’Kanner komme wéi gewinnt um 14:00 Auer an d’Versammlung.
Ab 16:00 Auer trieden d’Familljen a Frënn géint d’Kanner a verschiddenen Challenges un. Et gëtt och e klenge Präis ze gewannen!
Dir kënnt Iech als Ekipp umellen. Wann Dir net genuch Leit sidd, ass dat kee Problem, mir setzen d’Ekippen op der Plaz zesummen. Natierlech kënnt Dir och einfach laanschtkommen, ouni matzespillen.
Fir eis Planung biede mir Iech, de Formulaire auszefëllen:
Dir kënnt iech als Challenger, dat als ganz Ekipp (tëscht 4 a 7 Persounen) oder individuell umellen. Dir kënnt iech och als Visiteur umellen.
Den Umeldungsdelai ass den 26.06.2026.